RINDU????

Ado org tanyo den ko tak nak balik ko taun nie? tak rindu ko ngn mak bapak kek malaysia..hmmm..soklan yg payah nk jawab tu sbona eh..den pon selambo la jawab nanti den balik la.bukan lamo pon kek sini insya-allah..nanti jumpo jg lau umo panjang..huhuhu

Macam2 raso kek hati ni bilo org tanyo mcm tu.nak plak bilo dalam bulan ramadhan nie.laie poghit raso eh.teringat2 yo kek mak abah.tapi nk buek mcm mano dok jauh.bkn sobab lain kito blaja kek sni.ado laie satu..member yg baru sampai kek mosir nie asyik sodih2 yo.bilo chat tu mst ado cito pasal rindu kek parent's dorg..hahaha..raso kn.dulu beghiyo nk blaja kek mosir kn.amik ko skali nangih bawah katil..kahkahkah..

Ni la di namo kn dugaan bilo jd org yg bermusafir.jom kito ingat balik cito imam syafi'e mcm mano dio dulu.lamo tak balik umah sobab menuntut ilmu.bilo da balik dio mengetuk pintuk kuek2 sambil panggil mak dio.dongan perasaan rindu yg membuak2 kek omak eh.nk sangatn jumpo mak eh.last2 mak dio ckp ko poie blaja lg sampai ko jd org yg beradab.tak dapek jumpo mak eh.lau ikut kn kisah nie mmg sodih la lau kono kek kito.tapi kito kono tau apobilo kito bermusafir dgn sobab yg baik dan berfaedah kepado diri kito utk dunio dan akhirat itu adolah yg terbaik utk kito.jgn la kito raso rugi duduk kek mosir nie lau tak balik malaysia..

Cari la ilmu sebanyak yg kito mampu...tu posan utk diri den da org lain.tak rugi apo pon lau kito tak balik.cumo kalau balik tu dapek lopeh kn rindu kek family.satu hari nnt mak bapak kito akan poie jg.kito pon akan poie.so slalu la berdoa agar bondo yg terbaik utk kito yg sentiaso berlaku..slalu la istikharah..ingat balik.ulama' dlu selalu buek istikharah.sobab stiap apo yg dio buek adolah petunjuk dari allah.tu lah yg terbaik utk kito.bukan nk istikharah sobab nk kawin yo.slalu la kito amal kn..insya-allah.stiap yg kito lakukan tu adolah allah yg menggerak kn hati kito...so, samo2 la kito amal kn.jgn sodih2 laie.. sapo yg tongah nangih kek bwah katil tu bawak2 la tobat...hahahahaha